108 gündür hava limanında məcburən yaşayan şəxs – VİDEO

Yəqin bir çoxumuz Tom Henksin baş rolda çəkildiyi “The Terminal” filmini izləyib.

Bu filmdə müharibəyə görə evinə qayıda bilməyən kişi illərlə hava limanında qalmalı olub. Hassan Al-Kontar adlı suriyalının başına buna oxşar bir iş gəlib.

Minval.İnfo xəbər verir ki, Hassan 108 gündür Kuala Limpur hava limanında yaşayır.

Onun sözlərinə görə, problem 2011-ci ildə Suriyada müharibənin başlaması ilə yaranıb. Səudiyyə Ərəbistanında işləyən Hassan ölkəsi tərəfindən çağırılır, lakin o, müharibəyə getmək istəmir. Səudiyyə höküməti onu Suriyaya göndərməyə çalışır, amma Hassan buna etiraz edir, Malaziyaya göndərilir və burada ilişib qalır. Hazırda Hassanın pulu da qalmayıb, Malaziya höküməti onu hava limanında yeməklə təmin edib. Hasan isə buradakı həyatını gündəlik sosial mediada paylaşır.

Hassanın tək istəyi var, o da yaşaya biləcəyi bir ölkəyə göndərilmək. Bunun üçün onun adına petitsiya yaradılıb. Petitsiyada Kanada hökümətinə onu qəbul etməsi xahiş edilir. Artıq 11 min nəfər bu petitsiyanı imzalayıb.

Tamerlan