23 yaşında 74 ölkəni gəzən məşhur şirkətin ən gözəl stüardessası… – FOTOLAR
Dünyaca məşhur “Emirates” hava yollarının stüardessası olan 23 yaşlı qız sosial şəbəkələrin yeni fenomeni olub.
Gənc qız yaşının az olmasına baxmayaraq, 74 ölkə gəzib. Gəzdiyi ölkələrdən paylaşdığı fotolar onu məşhur edib. İşi sayəsində qısa zamanda dünya turu edən Brigita adlı stüardessanın yaşam tərzi izləyiciləri tərəfindən çox bəyənilir.
Minval.info saytı musavat.com-a istinadən xəbər verir ki, 60 mindən çox izləyicisi olan 23 yaşlı stüardessanın səyahət etdiyi ölkələr arasında Avstraliya, Yeni Zenlandiya, Dubay, İtaliya və Çexiya da var.
Həyatını əsasən Dubayda quran 23 yaşlı gənc qız təkcə ötən il 80 səfərdə iştirak edib.
Seyşel adaları, Sinqapur və Parisdən çox təsirləndiyini deyən gənc stüardessanın ən sevimli şəhəri Nyu-Yorkdur: “Son sevdiyim şəhər Nyu-Yorkdur. Buranın ab-havası məni heyran etdi. Şəhərin enerji və dinamikliyi məni cəlb etdi”.
Gənc stüardessanın sevdiyi ölkələr arasında Türkiyə də var. O, Kapadokyaya səfər edən zaman buraya heyran qaldığını deyib.
Brigitanın paylaşdığı fotolar arasında ən maraqlılarından biri də onun Keniyada zürafə ilə dodaq-dodağa öpüşməsidir. Səfər etdiyi ölkərdə yollarını tanımadığı halda rahatlıqla gəzib, dolaşan gənc stüardessa foto paylaşmağı artıq özünə borc bilir.
Gənc qız bu peşəni Fransada olan zaman gördüyü bir qrup stüardessadan təsirlənərək seçdiyini deyir. İşini sevən gənc stüardessa sadəcə, gəzdiyi ölkələrdəki vaxt dəyişkənliyindən şikayətlənir.
Qeyd edək ki, əslən Litvalı olan 23 yaşlı stüardessa hazırda Dubayda yaşayır. O, Yaxın Şərqin ən nəhəng aviaşirkəti sayılan “Emirates” hava yollarında işləyir. Bu hava yolları 234 təyyarə və 57 min işçi ilə insanlara xidmət edir.
