Səudiyyə Ərəbistanında qadınlar kişiləri öz “silahı” ilə vurdu

Səudiyyə Ərəbistanda qadınlara maşın sürməyə icazə verilməsi kişilərin sərt reaksiyasına səbəb olub.

İyundan etibarən Səudiyyə Ərəbistanında qadınlar sürücülük vəsiqəsi ala biləcəklər. Buna etiraz edən bir çox kişi sosial mediada “maşınsürəbilmərsən” haştağı ilə paylaşımlar etməyə paylaşıb. Cavabı gecikməyən qadınlar ironiya ilə eyni haştağdan istifadə etmək qərarına gəliblər.

Birinci gündən başlayaraq 65 mindən çox “maşınsürəbilmərsən” haştağı ilə paylaşım edilsə də, maraqlısı odur ki, bunu edənlərin çoxu kişiləri ələ salan qadınlar olub.

Onlar indidən çəhrayı idman maşınlarının, sürücülük kursu kitablarının şəkillərini paylaşmağa başlayıblar. Son zamanlar Səudiyyə Ərəbistanda sosial və mədəni sahədə reform dalğası yayılır.

Vəliəhd Məhəmməddin dəstək verdiyi inkişaf proqramı çərçivəsində ölkədə 35 ildən sonra ilk dəfə kinoteatr açılıb.