ABBA 40 ildən sonra geri qayıdır
40 il əvvəl dağılan əfsanəvi İsveç pop qrupu ABBA yenidən səhnə fəaliyyətinə başlayır.
Minval.info xəbər verir ki, bu barədə “The Sun” qəzeti məlumat yayıb. Qeyd olunub ki, dünyaca populyar qrup gələn ay beş mahnıdan ibarət albomu ilə geri qayıdır.
Layihənin təqdimatı sentyabrın 3-də olacaq.
Nəşr yazır ki, pərəstişkarları yeni mahnılardan əlavə, bir şounun da şahidi olacaqlar.
Qeyd edək ki, 1972-ci ildə yaradılan ABBA üzvlərinin adlarının (Benny Andersson, Bjorn Ulvaeus, Agnetha Faltskog və Anni-Frid Reuss) baş hərflərinə əsasən adlandırılıb.
1974-cü ildə “Waterloo” adlı mahnıları “Avroviziya” müsabiqəsində birinci yeri tutduqdan sonra qrup daha da məşhurlaşmağa başlayıb. ABBA karyeraları müddətində səkkiz studiya albomu buraxıb. Dünya üzrə isə qrupun 350 milyon albomu satılıb.