AKP Ankara və İstanbulda uduzdu, CHP ikinci oldu – XƏRİTƏ
Ötən gün Türkiyədə keçirilən bələdiyyə seçkilərinin nəticələri açıqlanıb.
Azvision.az -ın məlumatına görə, ölkə üzrə seçki qutularının 100 faizi açılıb. Nəticələrə əsasən, 44,31 faiz səslə hakim Ədalət və İnkişaf Partiyası (AKP) qələbə qazanıb.
Cümhuriyyət Xalq Partiyası (CHP) isə 30,11 faiz səslə ikinci olub. Digər yerlərdə İYİ parti (7,45 faiz), MHP (7,31 faiz) və HDP(4,24 faiz) yer alıb.
Paytaxt Ankarada CHP-nin namizədi Mənsur Yavaş (50,91 faiz) qalib gəlib. AKP təmsilçisi Mehmet Özhaseki cəmi 47,1 faiz səs yığa bilib.
Türkiyənin digər əsas və ən böyük şəhərində də müxalif CHP hakim partiyanı üstələyib. Belə ki, İstanbulda seçkilərin favoriti Binəli Yıldırım hesab olunsa da, CHP-nin namizədi Əkrəm İmamoğlu 48, 79 faizlə birinci olub. B.Yıldırım isə 48, 51 faiz səslə rəqibinə uduzub.
