“Alçaltdığınız şərəf və ləyaqətə görə…” – Yeni qalmaqal
Müğənni Elnarə Xəlilova “Xəzər axşamı” verilişində “Dərviş Band” qrupunun keçmiş solistləri haqqında səsləndirdiyi ittihamlara cavab verib.
Belə ki, “Dərviş Band” proqramda qrupun keçmiş üzvü Nərminin qrupa məxsus “İnstagram” səhifəsini geri qaytarmadığını, hətta onlar adından beh alıb tədbirlərə getdiyini iddia edib. RTV-yə açıqlamasında Elnarə Xəlilova bildirib ki, həmkarları barədə səsləndirilən iddialar əsassızdır:
“Mətanət Əliverdiyeva, siz sevilən aparıcısınız. Belə şər və böhtan xarakterli dezinformasiyanı öncə araşdırıb, sonra efirdə deyin. Nərminin öz şəxsi maili ünvanı və şifrəsi ilə açdığı səhifə özünə məxsusdur. Milyonlarla tamaşaçı qarşısında atdığınız şər və böhtanlara, alçaltdığınız şərəf və ləyaqətə görə ən azı hüquqi müstəvidə cavab verə bilərsiz.
Əziz və dəyərli vəkil Vaqif Nağıyev. Sizə bir həmkar kimi çox istərdim hörmət edim. Bir vaxtlar siz “Şərq Ulduzları” ansamblında gözümün qabağında oxuya-oxuya böyüdünüz. Görün nə qədər köməksizsiniz ki, DÖNGƏ-nin adını çəkməkdən belə qorxursunuz. Dəyərli Niyaməddin müəllimə “Dərviş”i məhz mən təqdim etmişəm. “Dərviş” Niyaməddin tanıyırdı? Tanıyırdısa, məni niyə qabağa verirdi ki, get icazə al? Niyaməddin Musayevi mən Elnarə Xəlilova El Yaradıcılıq Mərkəzinə dəvət etmişəm. Və sağ olsun sözümü yerə salmayıb. Beh məsələsinə gəldikdə atdığınız bu şər və böhtana görə, alçaltdığınız şərəf və ləyaqətə görə, danışdığınız yalanlara görə cavab verəcəksiniz.
