“Anam deyir ki, özümü beşinci mərtəbədən atacam” – Mətanət ağladı
“Anam deyir ki, efirdə bir də ağlasan özümü beşinci mərtəbədən atacam. İstəmirəm ağlamağımı kimsə görsün. Otururam evdə ağlayıram, sonra ayağa qalxıram, deyirəm, duracaqsan ayağa, yıxmayacaqsan özünü. Çünki mənim yıxılmağımı istəyənlər çoxdur”.
Axşam.az xəbər verir ki, bu sözləri Əməkdar artist Mətanət İsgəndərli “Onun sirri” proqramında deyib. Sənətçi ünvanına deyilən tənqidlərdən bəhs edib.
Göz yaşlarını saxlaya bilməyən İsgəndərli “Məni ayaqda tutan xalq sevgisi oldu. Hər zaman mənə ləkə vurmaq istədilər, gücümü xalqdan aldım” sözlərini söyləyib.
Müğənni ona gələn elçidən bəhs edib:
“Adam çox imkanlı idi. Qarşıma bankalarda qızıl tökdü ki, hamısını sənə verirəm. Mənə doğma gəlmədi, istəmədim. Hara gedirdim, arxama düşürdü ki, evlənək. Sonra gördü alınmır, dedi, mənə özün qız tap. Ona elçi getdim”.