Apple və Amazona 200 milyon avro cəza
İtaliyanın rəqabətə nəzarət orqanı ABŞ-ın texnologiya nəhəngləri Amazon və Apple Inc şirkətlərini Apple və Beats məhsullarının satışında rəqabətə zidd əməkdaşlıq iddiası ilə ümumilikdə 203,2 milyon avro cərimələyib.
Minval.info-nun məlumatına görə, rəqabətə nəzarət orqanı qeyd edib ki, şirkətlər arasında 2018-ci il müqaviləsinin şərtləri yalnız müəyyən dilerlərə Apple və Beats məhsullarını Amazon.it-də satmağa icazə verib və bu, Avropa İttifaqının qaydalarını pozur.
AMAZON 68,7 MİLYON, APPLE 134,5 MİLYON AVRO CƏRƏMƏNİB
Rəsmi qurum Amazon-u 68,7 milyon avro və Apple-ı 134,5 milyon avro cərimələyərək, bildirib ki, şirkətlər orijinal Apple və Beats məhsullarının pərakəndə satıcılarının ayrı-seçkilik olmadan Amazon.it-ə daxil olmasına icazə verən məhdudiyyətləri dayandırmalıdır.
Apple iddiaları rədd edərək, cərimədən şikayət etməyi planlaşdırdığını söyləyib:
“Müştərilərimizin orijinal məhsullar almasını təmin etmək üçün diler tərəfdaşlarımızla sıx əməkdaşlıq edirik və yalnız orijinal Apple məhsullarının satılmasını təmin etmək üçün bütün dünyada hüquq-mühafizə orqanları, gömrük və tacirlərlə işləyən xüsusi ekspert qruplarımız var”.
Amazon isə hələ heç bir açıqlama verməyib.