Arif Əsədov: “Yığmaya görə məşqçilərimiz öz qürurlarını kənara qoymalıdırlar”
Qurban Qurbanovun yığma komandanın baş məşqçisi postundan istefa “verməsindən” sonra millimizə kim başçılıq edəcək? Bu sual hazırda idman ictimayyətinin gündəmimdən düşmür. Xatırladaq ki, hazırda bir neçə tanınmış futbol mütəxəssisimiz işsiz olsa belə milli komandaya əcnəbi məşqçinin rəhbərlik edəcəyi gözlənilir.
Komandamıza kim başçılıq etməlidir- yerli məşqçilərmiz, yoxsa əcnəbi? ATV.az bu sualla hazırda AFFA-da çalışan “Neftçi” və “Sabah” klublarının keçmiş baş məşqçisi Arif Əsədova mürəciət edib.
“Düşünürəm ki, hazırda baş məşqçi əcnəbi olsa yaxşı olar. Axı reallıq elədir ki, Qurban Qurbanov ən yaxşı yerli futbol mütəxəssisi sayılır və əgər o da milli komandamızla uğur əldə edə bilməyibsə, deməli məntiqlə helə qənaətə gəlmək olar ki, heç kəs bunu bacarmayacaq, ya da ən azından, daha çox təzyiqlərə məruz qalacaq. Ona görə əcnəbi məşqçi gəlsə, daha yaxşı və daha effektiv olar. Bizim məşqçilər isə əgər eytiyyac olarsa, millimizə görə öz qürürlarını kənara qoyub, köməkçi-məşqçi kimi komandada çalışa bilərlər.
“Özünüz köməkçi kimi yığmada çalışa bilərdinizmi?” sualına isə A. Əsədovun cavabı belə oldu:
“Şəxsən mənə belə təklif gəlsə ona razı olaram, baxmayaraq ki, köməkçi-məşqçi kimi heç vaxt çalışmamışam. Yenə deyirəm – bu tək mənə aid deyil, hər bir yerli məşqçiyə aiddir – mili naminə qüruru kənara qoyub, komandamıza yardım etmək.”
Minval.İnfo