Arvadı 650 min avronu sərhəddən qanunsuz keçirmək istəyən general istefa verdi

Ukrainian President Volodymyr Zelensky stands next to Serhiy Knyazev, chief of the Ukraine’s National Police, as he speaks during a report by representatives of law enforcement agencies into the investigation of murdered journalist Pavel Sheremet on July 23, 2019, at the presidential administration building in Kyiv.

Ukrayna Milli Polisinin rəhbəri polis generalı Sergey Knyazev istefa verib.

“RİA Novosti” xəbər verir ki, bu barədə general özü brifinq keçirib.

O, bildirib ki, vəzifəsini və xalqa xidmət etməyi çox sevsə də, istefa verməyə məcburdur və bununla bağlı Daxili işlər nazirinə rəsmi məktub yollayıb.

Qeyd edək ki, ötən həftə yerli mətbuatda onun həyat yoldaşının deklarasiya olunmamış 650 min avronu sərhəddən keçirmək istərkən polşalı sərhədçilər tərəfindən saxlanılması haqqında xəbərlər yayılmışdı.

Knyazev istefasının bununla əlaqəli olub-olmaması ilə bağlı açıqlama verməyib.