Aviareys gecikdi – Tısbağaya görə

Avstraliyanın Qold Kost şəhərinin hava limanında aviareys gecikib.

“Qafqazinfo” xəbər verir ki, buna uçuş-eniş zolağında gəzən tısbağa səbəb olub.

Belə ki, təyyarə uçuş-eniş zolağında sürət yığmağa başlayarkən pilot iri tısbağanı görüb.

Heyət üzvləri tısbağanın təhlükəsiz yerə aparılmasınadək təyyarəni dayandırmaq qərarı verib.

Tısbağa zolaqdan götürüldükdən sonra uçuş davam edib.