Avropada təbii qazın qiyməti aşağı düşüb

Avropada təbii qazın min kubmetrinin qiyməti 1 203 ABŞ dolları və ya 1 MVt/s üçün 103 avro təşkil edir.

Minval.info xəbər verir ki, Niderlanddakı TTF habı üzrə qazın yanvar fyuçerslərinin qiyməti 98,2 təşkil edir, bu isə hesablaşma qiymətindən 7,8% aşağıdır.

Qeyd edək ki, dekabrın 21-dən etibarən Yamal-Avropa qaz kəməri ilə tədarük dayandırılıb və hazırda kəmər revers rejimində işləyir. Qaz tədarükünün azalması fonunda həmin vaxt Avropada qazın qiyməti rekord 2 150 ABŞ dollarına çatıb.