Aysel Türkiyədə müğənniliyə başladı

Aktrisa Aysel Nazim Türkiyədə müğənniliyə başlayıb.

Musavat.com saytına açıqlama verən aktrisa Barış Mançonun “Dönence” mahnısını oxuduğunu deyib:

“Türkiyədə yeni layihədə yer aldım. Barış Mançonun “Dönence” mahnısı 13 dildə ifa olundu. Azərbaycan dilində də mənim oxumağımı istədilər. Dedim ki, müğənni deyiləm. Düzdür, musiqi təhsilim var, pianinonu bitirmişəm, amma oxumaq istəmirəm. Dedilər ki, sən oxu. Məni studiya saldılar. Eser Taşkıranın studiyasında mahnı yazıldı, klip də çəkildi. 13 nəfərlik və tək klip lentə alındı. Klipin təqdimatını Bakıda da edəcəyəm”.