Azərbaycan filmlərinin ən maraqlı musiqiləri – VİDEOLAR

Dünyaca məşhur filmlərin özü qədər musiqiləri də yaddaşlarda özünə yer tapır. “Karib dənizin quldurları”, “Leon”, “Zorro” kimi filmlərin sountrəklərini necə unutmaq olar.

Minval.İnfo xəbər verir ki, köhnə Azərbaycan filmlərinin musiqinin bəstələnməsində və ifasında Tofiq Quliyev, Vasif Adıgözəlov, Oqtay Ağayev, Mirzə Babayev kimi sənətkarlarımızın imzası var. Son zamanlar Azərbaycan film sektorunda inkişaf müşahidə edilir. Bir-birinin ardınca yerli filmlərimiz kinoteatrlarda özünə yer tapır. Bəs bu filmlərin musiqilərin ərsəyə gəlməsində əməyi olan insanlar kimlərdir?

1. 2017-ci ildə komediya janrında çəkilmiş “Kəklikotu” filminin Dilarə Kazımova tərəfindən ifa edilən “Dəm” mahnısı xüsusi diqqət cəlb etdi, üstəlik bu mahnıya Elrəngin rejissorluğu ilə klip də çəkdi.

2. “Planet Parni iz Baku Films “ istehsalı “Ağanatiq”in sountrəkinin söz və musiqisi Elçin İmanova aiddir, ifaçısı isə Eyyub Yaqubovdur.

3. 2014-cü ildə rejissor Asif Rüstəmov tərəfindən ekranlaşdırılan “Axınla aşağı” filminin həzim musiqisi filmin tematikası ilə də tam uyğunluq təşkil edir.

4. 13-cü Avrasiya Beynəlxalq Film Festivalında mükafatlarla təltif edilmiş “Nar Bağı” filminin milli musiqimizin xüsusiyyətlərini özündə daşıyan sountrəki Firudun Allahverdi imzası daşıyır.

5. Ölkəmizdə 2018-ci ilin ilk filmi “Yoxdur belə söhbət” isə sountrək siyahısının uzunluğu ilə fərqlənir. Rəsmi treylerdə də yer alan Xpert və Luterin ifasındakı “Napoli xatirəsi” repi filmin tamamilə fərqli olmasından xəbər verir.

Minval.İnfo