Azərbaycan firavan ölkələr siyahısında 99-cu yerdədir – Foto
Azərbaycan firavan ölkələr siyahısında 99-cu yerdədir.
“Tərəqqi indeksi” (Prosperity Index) Britaniyanın “Legatum Institute” mərkəzi tərəfindən doqquz kateqoriyadan ibarət müxtəlif göstəricilər üzərində qurulub.
Onlar ictimaiyyətin həyatının müxtəlif aspektlərini və rifah parametrlərini özündə əks etdirib: iqtisadiyyat, idaretmə, təhsil, tibb, təhlükəsizlik, şəxsi azadlıqlar, sosial kapital, ekologiya və sahibkarlıq.
Araşdırmaların nəticəsinə uyğun olaraq, Azərbaycan 2018-ci ildə 99-cu yerdə Kambocca və Moldovanın arasında yerləşib.
Azərbaycan ən yaxşı göstərici təhsil sahəsində olub. Bu göstəricidə Azərbaycan 52-ci mövqedə qərarlaşıb. Təhlükəsizlik göstəricisi üzrə 59-cu, təhsil və biznesin inkişafı üzrə 69-cu yeri tutub.
Ölkənin iqtisadiyyatı səviyyəsinə görə 83-cü yerdə qərarlaşıb.
Ölkəmizdə ən pis göstərici ekoloji vəziyyətlə bağlıdır ki, Azərbaycan bu siyahıda 139-cu yeri, daha sonra sosial kapital üzrə 137-ci, dövlət idarəetməsi üzrə 119-cu, şəxsi azadlıqlarla bağlı 112-ci yeri tutub. (Oxu.az)