Azərbaycan Qida Təhlükəsizliyi İnstitutu 2 günlük təlimlərə start verib
28 mart 2019-cu il tarixdə Azərbaycan Qida Təhlükəsizliyi İnstitutunda (AQTİ) ölkənin aparıcı müəssisə və şirkət nümayəndələrinin iştirakı ilə 2 günlük təlim başlayıb.
HACCP/TAKNN (Təhlükənin Analizi və Kritik Nəzarət Nöqtəsi) çərçivəsində keçirilən təlim beynəlxalq təlimçi Nigar Mirzəzadə tərəfindən aparılır.
AQTİ-dan “Minval.info”ya verilən məlumata görə, tədbirin ilk günündə iştirakçılara HACCP qrupun yaradılması, bu prinsipin tarixi, üstünlükləri, qida təhlükəsizliyi idarəetmə sistemi, bioloji, kimyəvi və fiziki təhlükəli amillər, ən yaxşı istehsalat təcrübələri, sanitar-gigiyenik normalar, zəruri şərtlər proqramının, “məhsulun inqrediyentlərinin təsviri” sənədinin hazırlanması barədə məlumatlar verilir.
Bundan başqa, iştirakçılara qeyd olunan mövzularla bağlı qrup şəklində müxtəlif tapşırıqlar veriləcək, suallar cavablandırılacaq.
Qeyd edək ki, təlimin sonuncu günü iştirakçılara sertifikat təqdim olunacaq.
