Azərbaycanda qonşular arasında qanlı dava – Cinayət işi açıldı

Şəki şəhərində bıçaqlanma hadisəsi baş verib.

Minval.info xəbər verir ki, hadisə şəhərin Nəriman Nərimanov prospektində qeydə alınıb.

Belə ki, şəhər sakini, 1970-ci il təvəllüdlü Murad Xeyrullah oğlu Səmədov şəxsi münasibətlər zəmnində yaranmış mübahisə zamanı qonşusu Səlahəddin İsmayılov tərəfindən bıçaqlanıb. Kəsilmiş-deşilmiş bıçaq xəsarətləri alan 51 yaşlı M.Səmədov Şəki Rayon Mərkəzi Xəstəxanasına yerləşdirilib.

Hadisəni törətməkdə şübhəli bilinən 1966-cı il təvəllüdlü İsmayılov Səlahəddin Yusif oğlu saxlanılıb.

Onun barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə iş açılıb.