Azərbaycanda tələbə qız özünü asdı

Bu gün günorta saatlarında Salyan şəhərində intihar hadisəsi baş verib.

Virtualaz.org-un məlumatına görə, Salyan şəhəri, 28 May küçəsində yerləşən 5 mərtəbəli binadakı mənzillərindən birində yaşayan 21 yaşlı Vəfa Ramazan qızı Bəşirova özünü asaraq intihar edib.

V.Bəşirovanın Bakı Dövlət Universitetinin 3-cü kurs tələbəsi olduğu deyilir.

Hələlik intiharın hansı səbəbdən baş verdiyi bilinmir.

Qeyd edək ki, Vəfa Bəşirova və bacısı atalarını hələ uşaq ikən-xəstəlikdən itiriblər.

Faktla bağlı araşdırma aparılır.