Azərbaycandan 400 min, illik isə 4 milyon manat qazanan Hadisə pullarını hara xərcləyir? – FOTOLAR

Türkiyə mediasında son günlər müğənni Hadisə haqqında iddialar artmaqdadır.

Hadisənin sərvətinin, pullarının hara xərclədiyi jurnalistlərin diqqətini çəkib. Belə ki, onun qazandığı pulları ABŞ və Belçikada investisiya etdiyi düşünülür.

Minval.İnfo xəbər verir ki, bu fikrin ortaya çıxmasına səbəb isə müğənninin Türkiyədə adına mülkünün olmamasıdır. Hadisənin sonuncu dəfə kirayə götürdüyü çimərlik sahibi ilə məhkəməsi zamanı onun ölkə ərazisində mülkünün olmaması məlum olub.

Hadisənin qazancı

Türkiyə mediasında verilən məlumatlara görə müğənni 10 il müddətində 8 ayrı markanın reklam partnyoru kimi fəaliyyət göstərib və bu müddətdə ən az 6 milyon manat qazanc əldə edib.

Konsert gəlirləri

“O səs Türkiyə” verlişində 8 il münsif olan Hadisənin burada həftəsinə 40 min manat aldığı öyrənilib.

Onun Türkiyədə konsertlərdən ən çox gəlir əldə edən müğənnilərdən biri olduğu məlumdur. Müğənninin hər ay 3-4 konsert verdiyi və hər birinə görə 50 min manat aldığı iddia olunur.

Bundan əlavə Türkiyə xaricində Kipr və ölkəmizə konsert üçün gəldiyi də məlumdur. Hadisənin 2003-cü ildə Bakıdakı konsertdən 150 min manat qazandığı, 2016-da isə yeni il konsertindən 250 min manat gəlir əldə etdiyi bildirilir. Ümumilikdə onun illik 4 milyon manata yaxın qazanc əldə etdiyi deyilir.

Hadisənin 2013-cü ildə Mayamidə villa aldığı və bundan əlavə investisyalar etdiyi türkiyə mətbuatında iddia olunur.

Belə başa düşülür ki, Hadisə Türkiyədə milyonlar qazansa da, öz gələcəyini başqa ölkələrdə görür. Hətta onun Fransız model Aureliyen Müller ilə xaricdə özlərinə gələcək planladığı da deyilir.

Tamerlan Mehdi

Minval.İnfo