Azərbaycandan ziyarətə yola düşən avtobus: “Karabakh the land of Azerbaijan” – Foto
Bu günlərdə müsəlmanlar müxtəlif ölkələrdən İslam peyğəmbərinin nəvəsi Həzrəti Hüseynin məzarının ziyarətinə yollanırlar.
Minval.info xəbər verir ki, İraqın Kərbəla şəhərinə təşkil edilən səfərlərə Azərbaycanın inanclılar da qoşulub. Yerli zəvvarların daşınmasında xidmət göstərən turizm şirkətlərindən biri maraqlı addımı ilə diqqət çəkib.
Belə ki, yola çıxdıqları avtobusun üzərində Qarabağ uğrunda gedən savaşlarda şəhidlik zirvəsinə ucalan qəhrəman hərçilərin şəkilləri vurulub. Şəklin fonunda isə işğal altında olan Dağlıq Qarabağı əks etdiyən mənzərə yer alıb.
Həmçinin nəqliyyat vasitəsinin üzərinə “Karabakh the land of Azerbaijan” (Qarabağ Azərbaycan torpağıdır) sözləri yazılıb.
Xatırladaq ki, ötən il yerli zəvvarlar oxşar addım atmışdılar. Onlar geyimlərinin üzərinə Qarabağ şəhidlərinin rəsmlərini həkk etdirmişdilər.
S.Mirzə
