Azərbaycanlı tanınmış xanım müğənninidən “Qalatasaray” rəhbərliyinə maraqlı çağırış – VİDEO

Türkiyənin məşhur “Qalatasaray” klubunun bu ilin yayında və qış transfer pəncərəsi dövründə hücumçu transfer edə bilməməsi narazılıq yaradıb.

Komandanın hücumçusuz qalması ilə bağlı azarkeşlər rəhbərliyi tənqid edir.

Bəzi azarkeşlər isə klub rəhbərliyinə hücumçu gətirməsi ilə bağlı tələbini özünəməxsus şəkildə çatdırır.

Belə ki, “Qalatasaray” fanatı olan azərbaycanlı müğənni Çinarə Məlikzadə Əmrahın məşhur “İhtiyacı var” mahnısını fərqli formada ifa edərək “Qalatasaray” rəhbərliyinə mesaj göndərib və komandanın hücumçuya həqiqətən ehtiyacının olduğunu bildirib.