AZTV-də təriflənən SPACE-də saxta çıxdı – İnanılmaz olay

“Tədbirlə bağlı Aztv-yə müsahibə də vermişdim.”

“Space Tv”-də Amil Xəlilin təqdimatında yayımlanan “Olar? Olmaz!” verilişində maraqlı anlar yaşanıb.

Minval.info xəbər verir ki, verilişə müraciət edən Fuad adlı müəllim dövət tərəfindən keçirilən hərracda qəlib gəlib və 50 min manat ödəyərək tikilini özəlləşdirib. Bir neçə gündən sonra əraziyə gəlib ki, həmin tikili yoxdur. Sən demə başqa MTK müəllimin aldığı tikilini söküb. Müəllim əlində sənədlərlə MTK-ya yaxınlaşıb. Dərdini danışıb. Amma qurum Fuad müəllimi eşitməyib. “Get hara istəyirsən ora da şikayət elə. Sənin ərazin yoxdur” deyiblər.

Fuad müəllim, hətta dövlət televiziyasına belə müsahibə verərək ərazini aldığını bildirmişdi.  Deyir ki, o qədər sevinmişdim ki, amma sevincim qursağımda qaldı: “İndi məni eşidən yoxdur. Hara müraciət edirəmsə, bu MTK ilə bacara bilən tapılmır. Axı mənim ərazimdir. Sənədlərim rəsmi və qanunidir. Niyə mənim səsimə səs verən yoxdur?”
Daha sonra şikayətçi ilə teleaparıcı Amil Xəlil adı çəkilən “7Points” MTK-ya yollanıb. Məsələni dinləyən əməkdaşlar çəkiliş qrupunu məkandan uzaqlaşdırıblar.

İnanırıq ki, Fuad müəllimin problemi qısa zamanda həllini tapacaq. Çünki onun tək istəyi var. Vətən üçün idmançılar yetişdirmək…