Bakı Bulvarında qaranlıq vəziyyət – İnsanların istirahətinə haram qatıldı (Video)

Dənizkənarı Milli Parkda istirahətə gələn insanların rahatlığı pozulub.

Minval.info xəbər verir ki, “Bulvar”da gəzməyə gələn Bakı sakinləri arzuolunmaz mənzərənin şahidi olub.

Belə ki, təxminən saat 0.00 radələrinə yaxın Milli Parkın bir hissəsində işıqlar söndürülüb. Bunu texniki problem hesab etmək sadəlövlük olardı. Çünki həmin ərazidə qazonu avtomatik sulayan qurğular işlək vəziyyətdəydi.

Qurğular o qədər güclü işləyib ki, ətrafdakı insalanların və skamyaların da üstünü sulayıb.

İstirahətinə haram qatılan şahidlərdən birinin sözlərinə görə həmin hissə o qədər işıqsız olub ki, insanlar bir-birini güclə seçib.

Qeyd edək ki, insanların ən sıx olduğu Nizami küçəsində (Tarqovı) də bundan öncə işıqlar söndürülürdü. Məsələ ictimailəşdikdən sonra problem aradan qaldırıldı.