Bakı-Qazax yolunda qəza – 2 nəfər xəsarət aldı – FOTOLAR, VİDEO

Bakı-Qazax magistral yolunda iki nəfərin xəsarət alması ilə nəticələnən yol nəqliyyat qəzası baş verib.

Minval.İnfo-nun bölgə müxbiri xəbər verir ki, hadisə Şəmkir rayonu ərazisində, Şəmkir şəhərinə istiqamətlənən yol ayrıcında baş verib.

Hərəkətdə olan “VAZ” 21-099 markalı avtomobil idarəetməni itirərək beton maneəyə çırpılıb. Qəza zamanı iki nəfər müxtəlif bədən xəsarətləri alaraq xəstəxanaya yerləşdirilib. Onlara tibbi yardım göstərilib.

Faktla bağlı araşdırma aparılır.

Minval.İnfo