Bakıda 11 maşına hücum edən şəxs ələ keçdi – DİN-dən açıqlama
Xətai rayonunda bir gecədə 11 avtomobilin şüşəsini sındıraraq oğurluq edən şəxs saxlanılıb.
Minval.info DİN-ə istinadən xəbər verir ki, Gəncə şəhər sakini Nicat Qasımzadə N.Əliyev küçəsində cinayət başında tutulub.
Onun bir gecədə 11 avtomobilin şüşəsini sındırdığı məlum olub. N.Qasımzadə qeyd edilən cinayətləri paytaxt sakini Ceyhun Abbasovla birlikdə törətdiyini bildirib.
Həmçinin oxu: Bakıda və Sumqayıtda avtomobillərə hücum edilir – FOTOLAR
Qeyd edək ki, Ceyhun Abbasov bir neçə ay əvvəl analoji cinayətlər etdiyi üçün polislər tərəfindən saxlanılsa da, həmin vaxt yetkinlik yaşına çatmadığından onun barəsində həbs qətimkan tədbiri seçilməmişdi.
Araşdırma zamanı müəyyən edilib ki, dəstə üzvləri avtomobillərin salonlarından əsasən pul və digər qiymətli əşyalar oğurlayıblar. Onlar şüşəsi sındırılan nəqliyyat vasitələrinin birinin salonundan isə 1000 manat ələ keçiriblər. Dəstə üzvləri bir neçə gün əvvəl də Xətai rayonun digər küçələrində də avtomobillərin şüşələrini sındıraraq oğurluqlar etdikləri məlum olub.
Buna da bax: Polisdən kütləvi şəkildə avtomobillərə hücumlarla bağlı reaksiya
Bakıda yenidən bir gecədə avtomobillərə hücum oldu – Foto, Video