Bakıda insanlar ölümə atılır – FOTOLAR
Bakının iki ərazisində yeni dayanacaqlara qənim kəsiliblər.
Bir müddət öncə Qara Qarayev propektinin yolunun təmiri zamanı ərazidə böyük avtobus dayanacağı təşkil edildi. Buradan təxminən 25 avtobusun keçdiyindən həmin dayanacaq geniş ərazini əhatə etdi. Lakin çox keçmədi ki, görülən işlərin üzərindən yumşaq dildə söyləsək xətt çəkildi. Həmin dayanacaqda obyekt tikildiyindən hasara alındı və dayancaq tamamilə bağlandı.
Bundan əlavə, insan üzünə demək olar ki, həsrət qalan “Dərnəgül” metrostasiyasının ətrafında da eyni hal yaşandı. Buna baxmayaraq, Bakı Nəqliyyat Agentliyi tərəfindən orada Nəqliyyatın Mübadilə Mərkəzi təşkil edildi. Lakin buranın da aqibəti Qara Qarayev prospektinin dayanacağı kimi oldu. Eynilə, dayanacağın pavilyonu qarışıq ərazi hasarlandı.
“Dərnəgül”ün ətrafını hər halda başadüşülən hesab etmək olar. Çünki yuxarıda qeyd etdiyimiz kimi bura insan üzünə həsrət qaldığından bir o qədər də narahatlıq yaratmır. Təbii ki, bu da hasarlanma işinə haqq qazandırmır. Lakin Qara Qarayev prospektində hasarlanma ucbatından insanlar nəqliyyat vasitələrinin hərəkət etdiyi yolda dayanmağa məcbur olub.
Qeyd edək ki, Bakının Binəqədi rayonunun M.Ə.Rəsulzadə qəsəbəsində yeni ticarət mərkəzinin tikintisinə başlanıldıqdan sonra oradakı dayanacaq ləğv olundu. Əvəzində isə yolun həm işlək, həm də arxa hissəsi məhdudlaşdı. Hazırda sözügedən ərazidə eyni vəziyyət hökm sürür. Məsələ dəfələrlə ictimailəşdirilsə də dəyişən heç nə yoxdur. Hətta Binəqədililərin “ahından” tikinti işlərində obyektin sütunlarından biri uçdu, lakin işlər hələ də təhlükəli şəkildə davam edir.
Samir / Minval.info
Həmçinin oxu: Bakıda qanunsuz tikinti – Çökdü, yenidən tikdilər, yolu bağladılar – VİDEO
