Bakıda güclü partlayış baş verdi – FOTOLAR-VİDEO – YENİLƏNDİ-4
Minval.İnfo xəbər verir ki, Xətai rayon polis idarəsinin rəis müavini Fəxrəddin Əliyev bildirib ki, “Yanğın 100 kvadratmetr ərazidə, yardımçı binada baş verib. Səbəb, hələ ki, bəlli deyil. Xəsarət alan olmayıb. Yanğının səbəbləri araşdırılır”.
***
20:31
Minval.İnfo xəbər verir ki, yanğın artıq söndürülüb, ölən və ya yaralanan yoxdur.
***
20:18
Minval.İnfo xəbər verir ki, hadisə yerinə yanğınsöndürənlər, təcili tibbi yardım maşınları və polis cəlb olunub. Ölən və yaralananlar barədə hələ ki, heç bir məlumat yoxdur. Polislər hadisə yerinə heç kimi buraxmır.
***
19:54
Minval.İnfo xəbər verir ki, Bakının Xətai rayonunda zavodda güclü partlayış baş verib.
“Report”un məlumatına görə, əraziyə xeyli sayda yanğınsöndürən maşın və təcili tibbi yardım briqadası cəlb olunub.
Fövqəladə Hallar Nazirliyi (FHN) Dövlət Yanğından Mühafizə Xidmətinin Xətai rayon yanğından mühafizə hissəsindən “Report”a verilən məlumata görə, partlayış Radioquraşdırma zavodu ərazisində baş verib.
Hazırda ərazidə qatı tüstü müşahidə olunur.
