Bakıda “gül dələduzları” peyda olub

Paytaxtda yerləşən mağaza sahiblərini dibçəkdə gül alaraq qapının önünə qoymağa məcbur ediblər.

Bizimyol.info yerli KİV-ə istinadən xəbər verir ki, hadisə paytaxtın Xətai rayonunda baş verib.

Mağaza sahiblərinin sözlərinə görə, bir neçə naməlum şəxs mağazaya özlərini “Bakı Şəhər İcra Hakimiyyəti”nin əməkdaşları kimi təqdim edərək daxil olub, onlara yeni qanunun qəbul edildiyini bildirib. “Qanuna” əsasən, hər mağazanın önündə 1 ədəd dibçəkdə gül olmalıdır. Hər dibçəyin qiyməti isə 8 manat təşkil edir.

“Bakı Şəhər İcra Hakimiyyəti” sosial şəbəkələrdə yayılmış xəbərin yalan olduğunu bildirib: “Biz belə bir qərar qəbul etməmişik. Faktla bağlı araşdırma aparılacaq”.