Bakıda möhtəşəm hərbi parad başladı – CANLI YAYIM

Bakıda Azərbaycan Xalq Cümhuriyyətinin 100 illik yubiley tədbirləri çərçivəsində, Bakının 1918-cı il sentyabrın 15-də bolşevik-daşnak silahlı birləşmələrindən azad edilməsi münasibətilə hərbi parad keçirilir.

Minval.info xəbər verir ki, Azərbaycan Respublikasının Prezidenti İlham Əliyev, Türkiyə Respublikasının Prezidenti Rəcəb Tayyib Ərdoğan və birinci xanım Mehriban Əliyeva paradda iştirak edirlər.

Müdafiə naziri general-polkovnik Zakir Həsənov Azərbaycan və Türkiyə prezidentlərinə raport verdi.

Dövlət başçıları əsgərləri salamladılar.

Hərbi orkestr Türkiyənin və Azərbaycanın dövlət himnlərini ifa etdi.

“Çırpınırdın Qara dəniz” və “Azərbaycan” mahnıları səsləndirildi.