Bakıda motosiklet avtomobillə toqquşub, sürücü xəsarət alıb

Bakının Suraxanı rayonunda yol-nəqliyyat hadisəsi zamanı 1 nəfər xəsarət alıb.

APA-nın məlumatına görə, hadisə Hövsan qəsəbəsində baş verib.

1993-cü il təvəllüdlü Abbasov Cavidan Cahid oğlu idarə etdiyi motosikletlə hərəkətdə olarkən idarəetməni itirib. Nəticədə nəqliyyat vasitəsi minik avtomobili ilə toqquşub. Hadisə zamanı C.Abbasov xəsarət alaraq xəstəxanaya yerləşdirilib.