Bakıda qəza səbəbindən obyektləri su basdı – Dövlət qurumundan ittiham

Bakının Rəşid Behbudov küçəsində 500 milli metrlik içməli su borusu partlayıb.

Minval.info-nun ONA-ya istinadən məlumatına görə, nəticədə yaxınlıqda olan binanın altındakı avtomobil qarajı və Türkiyə Səfirliyinin Yunus Əmrə mədəniyyət mərkəzini su basıb.

“Azərsu” ASC-nin baş mühəndisi Yaşar Əhmədov bildirib ki, bu borunun parlamasına səbəb mədəniyyət mərkəzinin yerləşdiyi binanın və yaxınlıqdakı digər iki obyektin düzgün olmayan ərazidə tikilməsidir. Onun sözlərinə görə, “Azərsu” ASC bununla bağlı müvafiq qurumlara müraciət edəcək.

Hazırda əhaliyə içməli suyun veriliş dayandırılıb.