Bakıda sərnişin dava saldı, sürücünü söydü – VİDEO

Bakıda avtobusda sərnişin sürücünü söyüb.

Minval.info-nun məlumatına görə, hadisə iki gün öncə axşam radələrində “BakuBus”a məxsus 90JH-110 dövlət qeydiyat nişanlı 175 saylı marşrut avtobusunun sonuncu, Səməd Vurğun bağı dayanacağında baş verib.

Sərnişin qaydaları pozaraq ödəniş etmədən avtobusa daxil olub və sürücü mikrafonla sərnişinə xəbərdarlıq edib.

Bundan sonra qəzəblənən sərnişin ictimai yerdə kifayət qədər yaşı olan sürücünü nalayiq sözlərlə təhqir etməyə başlayıb və onun üzərinə gəlib. Ətrafadakı sərnişinlər müdaxilə etdikdən sonra sərnişin yenə ödəniş etmədən geri qayıdıb. Sürücü bununla bağlı yaxınlıqdakı xətt dispetçerini dəvət etmək üçün avtobusdan enib.

Bundan sonra hadisə yerinə polis əməkdaşları dəvət olunub və bunu görən həmin sərnişin dərhal tələsik şəkildə avtobusu tərk edib.

Minval.info