Bakının mərkəzi küçəsində təhlükəli vəziyyət – Video

Piyada keçidinin zolağının pozulması insanların həyatını təhlükəyə atır.

Minval.info xəbər verir ki, Akademik Həsən Əliyev küçəsi ilə Atatürk prospektinin kəsişməsində piyadalarla avtomobillərin hərəkətini tənzimləyən xətlər silinib. Həmin ərazidə yaşayan sakinlər mövcud durumdan narazıdırlar. Onlar belə vəziyyətdə piyadaların həyatının təhlükədə olduğunu deyir.

Bu barədə minval.info-ya Bakı sakini Xəzər Rüstəmzadə məlumat verib.

“Əvvəllər bu yolda piyada zolağı olub. İndi nə xətlər var, nə də bununla əlaqədar yol hərəkət nişanı quraşdırılıb. Camaat çətinlik çəkir. Keçid olmadığı üçün nəqliyyat vasitələri piyadaları gözləmir” – Bakı sakini bildirib.

X.Rüstəmzadə həmçinin qeyd edib ki, ərazidə müşahidə kamerinin olmasına baxmayaraq, piyadaların təhlükəsizliyi üçün heç bir addım atılmayıb.

Sakinlər tezliklə problemin aradan qalxmasını istəyir.

Minval.info