“Balaca oğluma da ev verilib” – Roza Zərgərli
Xəbər verdiyimiz kimi, müğənni Roza Zərgərlinin övladlığa götürdüyü aktyor oğlu Corc Qafarova Əmək və Əhalinin Sosial Müdafiə Nazirliyi mənzil verib.
Axşam.az-a açıqlama verən Roza Zərgərli Corcun balaca qardaşı Jerarın da dövlət tərəfindən evlə təmin edildiyini söyləyib:
“Balaca oğlum bir il əvvəl ev alıb. Corc və Jerarın bioloji anası mən deyiləm. Övladlıq götürməyimə qədər bu uşaqlar uşaq evində böyüyüb. Onlar dövlətin himayəsində olub və orada qalıblar. Mən sonradan onlara himayəçi olmuşam. Amma ilk təhsillərini və tərbiyəsini uşaq evində alıblar. Onların evlə təmin edilməsi normaldır. Burada pis nə var ki? Sosial şəbəkədə tənqid edirlər. Ev hər iki valideyni olmayanlara verilib. Corcla Jerarın nə atası, nə anası var. Buna görə də onların haqqıdır”.
Qeyd edək ki, “Cənab Prezident İlham Əliyevin verdiyi sərəncamla mənzillə təmin olundum. Buna görə dövlət başçımıza sonsuz təşəkkürümü bildirirəm” deyə, Corc paylaşımına yazıb.