BDU: “Laborantı təhqir etdiyi deyilən dekan müavini ilə bağlı araşdırıma aparılır”
Qovulan lobarantla bağlı BDU-dan rəsmi açıqlama
Xəbər verdiyimiz kimi, Bakı Dövlət Universitetinin Şərqşünaslıq fakültəsinin lobarantı Vüsal Yüzbaşyev və həmin fakültənin dekan müavini Cavanşir Məmmədzadə ilə aralarında yaşanan söhbətin səs yazısı yayılıb.
Vüsal Yüzbaşyev Minval.info-ya açıqlama verərək qovulduğunu bildirib.
Hadisə ilə bağlı Minval.info-ya BDU-nun mətbuat xidmətinin rəhbəri Pərvanə İbrahimova ilə əlaqə saxlayıb. O, BDU-nun məsələdən xəbərdar oduğunu bildirib:
“BDU-nun mətbuat xidmətindən bildirilib ki, laborant daxili nizam-intizam qaydalarını pozduğu üçün universitetdən xaric edilib. Dekan müavininə gəldikdə isə onunla bağlı araşdırma davam etdirilir”.
Xatırladaq ki, Bakı Dövlət Universitetinin Şərqşünaslıq fakültəsinin dekan müavini Cavanşir Məmmədzadə ilə universitetin laborantı arasında baş tutan söhbətdə dekan müavini “Özünü burada normal apar. Elə eləmə sənədlərini toplayıb, səni yox edək burdan. Eşitdin nə deyirəm sənə? Bu dəfə mən sənlə sözlə danışıram, gələn dəfə əl-ayaqla danışacam. Mənim elə “terpeniyam” yoxdur. Sən özünü küçədəki kimi aparırsan” sözlərini deyərək, onun ünvanına təhqirlər yağdırmışdı.