“Biz buna layiq olmaq üçün, hansı günahın sahibi olmuşuq?” – Tural efirdəki skandal barədə

Müğənni Rüfət Axundovun və həmkarı Rəşad İlyasovun “Space” kanalında “Hər səhər” verilişində qeyri-etik ifadələr dilə gətirməsi müzakirə predmeti olaraq gündəmdədir.

Minval.info-nun məlumatına görə, radio aparıcısı Tural Yusifov isə sosial şəbəkədə paylaşım edərək, məsələyə münasibət bildirib:

“Space” TV-nin efirində söyüş olub. Montaj filan deyildi. 10 illik səs təcrübəm montajı orijinaldan ayırmağa imkan verir. MTRŞ işi məhkəməyə göndərib və çox güman ki, 5000 manatdan 8000 manata kimi cərimə kəsiləcək. Məni isə iki sual maraqlandırır:

1. İki müğənni söyüşlə mahnı oxuyur və aparıcı “hırıldayır”. Aparıcı nəyə gülür? Söyüşə gülən balaca uşaq kimi, niyə dişini ağardır?

2. Biz bu verilişlərə, aparıcılara, müğənnilərə layiq olmaq üçün, hansı günahın sahibi olmuşuq?”.

Həmçinin oxu: DJ Turaldan kobud sözlər və “zopa mexanizmi” – (Video)

Xatırladaq ki, məsələ ilə bağlı MTRŞ “Space” TV-ni cərimələyib, bundan əlavə qeyri-rəsmi məlumata görə, hər iki müğənniyə teleməkanda efir qadağası qoyulub. O cümlədən sözügedən verilişin məsul şəxsləri işdən uzaqlaşdırılıb.