Bu gün “İmperator”un ad günüdür
Türkiyədə “İmparator”, İtaliyada “Grande” olaraq adlandırılan, türk futbol tarixində əvəzedilməz yeri olan Fatih Terim 4 Sentyabr 1953-cü ildə Adanada dünyaya gəlib. Atası Kipr türkü olan Fatih futbola “Ceyhanspor”-da başlayıb.
Türkiyə 2-ci liqasında çempion olduqdan sonra 1-ci liqaya yüksələn “Adana Demirspor”-da öz oyunu ilə diqqətləri öz üstünə çəkdi və növbəti mövsüm tarix yazacağı klub “Qalatasaray”-a transfer oldu. 1985-ci ilədək “Qalatasaray” forması ilə 327 oyunda kapitanlıq sarğısı ilə oynayıb.
“Ankaragücü”, “Göztəpə”-də baş məşqçilik edən Terim 1996-cı ilin mayında “Qalatasaray”-la müqavilə bağladı. Buradakı kariyerasına uğurla başlamasa da komandanı UEFA Çempionlar Liqasının qruplarına qədər gətirdi və bu yüksəlişi ard-arda üç dəfə etdi.
2000-ci il 17 may tarixində Kopenhagendə keçirilən final oyununda “Arsenal”-ı penalti vuruşlarında məğlub edərək Türkiyəyə ilk dəfə UEFA Kubokunu gətirən məşqçi kimi tarixə adı qızıl hərflərlə yazıldı.
Hazırda “Qalatasaray”-ın baş məşqçisi olan Terim 2017\2018-ci il mövsümündə “Qalatasaray”-la liqa kubokunu qazanıb.
Minval.İnfo
