Bu şəhərlərdə yaşayanlara pul verilir – SİYAHI
Buralardan bezən, başqa, tamamilə fərqli yerlərdə yaşamaq istəyənlər bu məqaləni diqqətlə oxusun. Çünki bu yazımızda sizə həmin ərazidə yaşamanız üçün pul təklif edən şəhərlərdən (rayon və ya qəsəbə də ola bilər) bəhs ediləcək.
Bir sıra ölkələrdə, xüsusən inkişaf etmiş ölkələrin bəzi ərazilərində əhalinin azlığı və ya lazımi sahələr üçün kadr çatışmazlığı hiss olunur. Buna çarə olaraq həmin şəhərlər müəyyən tələbləri ödəyən namizədlərə qeyd edilən ərazilərdə yaşaması üçün yüksək məbləğlərdə pullar təklif edir.
Detroyt, Miçiqan ştatı (ABŞ)
Bu şəhər 20-ci əsrin sonlarına qədər ABŞ-ın əsas avtomobil istehsal edən şəhərlərindən biri olub. Son dövrlər isə Detroyt əvvəlki şöhrətini itirib. Ancaq şəhəri təzədən əvvəlki gücünə qaytarmaq üçün çalışan ABŞ hökuməti “Challange Detroit” adlı proqram tərtib edib. Bu proqrama əsasən maşınqayırma və buna yaxın digər sahələrdə təcrübəsi olan, burada yaşamaq və işləmək istəyən şəxslərə 2500 dollar məbləğində pul təklif edir.
Ətraflı məlumat üçün linkə daxil olun
http://www.challengedetroit.org/
Alyaska (ABŞ)
İlin böyük bir qismi qarla örtülü olan Amerikanın bu ştatında son illər əhali sayında azalma hiss olunur. Hökumət burada yaşamaq istəyənlər üçün yardım fondu təşkil edib. Burada yaşamaq istəyənlərdən tələb olunan əsas şərt ən az bir il qalmaqdır.
Ətraflı məlumat üçün linkə daxil olun
Saskaçevan (Kanada)
Kanadanın bu bölgəsi təzə məzun olan və ya karyeralarına təzə başlayan şəxslərə burada yeddi il qalması və işləməsi şərti ilə 15 min dollara yaxın pul təklif edir.
Ətraflı məlumat üçün linkə daxil olun
Ponqa (İspaniya)
Ponqa İspaniyanın şimal-şərqində, qoruq ərazində yerləşən kənddir. Gənc insanları cəlb etmək və yerli iqtisadiyyatı dirçəltmək üçün hökumət bu kəndə köçən hər ailəyə 3 min avro təklif edir. Bundan əlavə ailədə doğulan hər bir körpə üçün də 3 min avronun ödənilməsi nəzərdə tutulub. Ekoloji cəhətdən təmiz və gözəl ərazidə yaşamaq istəyənlər üçün bu kənd olduqca sərfəlidir.
Ətraflı məlumat üçün linkə daxil olun
https://www.thinkspain.com/jobs-in-spain/3
Niaqara şəlaləsi, Nyu-York (ABŞ)
Qeyri-real səslənə biləcək daha bir təklif – dünyanın ən gözəl və həyəcanverici yerlərindən birində yaşamaq və pul qazanmaq… Hökumət iki il ərzində şəlalə yaxınlığında yerləşən yerli müəssisələrdə işləmələri üçün universitet məzunlarına 7 min dollar ödəyir.
Kertis, Nebraska (ABŞ)
Bu balaca ABŞ şəhəri yerli infrastruktur və mədəniyyətin inkişafına töhfə verə biləcək şəxslərə pulsuz torpaq sahələri təklif olunur.
http://www.curtis-ne.com/freelots.php
Tamerlan Mehdi
Minval.İnfo