“Büdcədə artıq vəsait varsa, bunu xərcləmək lazımdır”
Deputat Vahid Əhmədov Dövlət Sosial Müdafiə Fondunun büdcəsində artıq vəsaitin qalması ilə razılaşmadığını bildirib.
Minval.info xəbər verir ki, deputatın sözlərinə görə, büdcədə artıq vəsait varsa, şəhid ailələrinə qazilər kömək etmək, bunu xərcləmək lazımdır: “Həmçinin əlilliyin təyinatında ciddi problemlər var. Uşaqlara müavinət 30 milyon manat məbləğində ayrılıb. Bu məbləğin artırılmasına ehtiyac var. Bundan əlavə, nəyə görə ölkədə Pensiya Fondu olmamalıdır? Bu fond olsa, insanlar lazım olanda müraciət edib vəsaitlərini ala bilərlər”.
Deputat Əli Məsimli də çıxışında pensiyaçıların probleminə toxunub. O qeyd edib ki, başqa ölkələrdə insanlar pensiyaya çıxanda onların romantik dövrü başlayır: “Bizdə isə pensiyaya çıxanda insanlar məşəqqətli dövrlərini yaşayır. Bu məbləğ onların qida və dərman təlabatını ödəməyə imkan vermir. Çünki ayrılan vəsait ona çatmır. Müavinətlərin artırılması 20,30,40 manat ətrafındadır. Ancaq bu da süni qiymət artımı nəticəsində monopolistlərin cibinə gedəcək”.