Buğa güləşində dəhşətli anlar – Öküz buynuzunu matadorun ombasına keçirdi (Fotolar)

Fransız matador Juan Lil dünən İspaniyanın Madrid şəhərində keçirilən “Las Ventas” şousunda dəhşətli anlar yaşayıb.

“Ölkə.Az” xəbər verir ki, 2019-cu il “San İsidro” buğa güləşi festivalının 12-ci günündə qorxunc hadisə baş verib. 26 yaşlı Lil ombasından güclü zərbə alıb.

Qəzəbli öküz Lili iki dəfə bu formada havaya qaldırdıqdan sonra yerə çırpıb. İki nəfər isə öküzün Lilə növbəti hücumunun qarşısını almaq üçün ona kömək ediblər. Lil isə ağrıdan qıvrıldığı üçün ərazidən qaçıb. Amma buna baxmayaraq, güləşinə davam edib. O, buynuzu ilə ona zərbə vuran öküzü məğlub edərək qulağını kəsib. Hazırda matador müalicə olunur və həkimlər vəziyyətinin normal olduğunu bildiriblər.

Qeyd edək ki, Juan matador olmadan əvvəl pizza sifarişlərini evlərə və ofislərə təslim etməklə məşğul olub.