Cəlilabadda atışma: güllələr “Lexus” və evə də dəydi

Cəlilabad rayonunda silahlı insident baş verib.

Minval.İnfo APA-ya istinadən xəbər verir ki, ilkin məlumata görə, Cəlilabad rayon sakinləri olan şəxslər odlu silahdan bir-birinə atəş açıblar.

Silahlı insident zamanı xəsarət alan olmasa da, “Lexus” markalı avtomobilə və yaşayış evinə ziyan dəydiyi bildirilir.

İnsidentin səbəbləri və iştirakçılarının kimliyi hələlik məlum deyil.

Faktla bağlı araşdırma aparılır.