Cənub bölgəsində ardıcıl üçüncü zəlzələ

Azərbaycanın cənub bölgəsində ardıcıl üçüncü dəfə zəlzələ olub.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Minval.İnfo-ya verilən məlumata görə, yeraltı təkanlar yerli vaxtla saat 17:04:03-də Lerikdə – Lənkəran stansiyasından 12 kilometr cənub-qərbdə qeydə alınıb.

Maqnitudası 3,1, dərinliyi 12 kilometr olan zəlzələ hiss olunmayıb.

Qeyd edək ki, bundan əvvəl Lerik rayonunda 5,1 və 3,7 maqnitudada yeraltı təkanlar qeydə alınıb.