Çempionlar Liqasında 1/8 final mərhələsinin püşkü atılır

Bu gün UEFA Çempionlar Liqasında 1/8 final mərhələsinin püşkü atılacaq.

UEFA-nın İsveçrənin Nyon şəhərindəki mənzil-qərargahında təşkil olunacaq püşkatma mərasimində heç bir komanda öz ölkəsindən olan və qrupda qarşılaşdığı klubla düşə bilməz.

Komandalar Səpələnmişlər və Səpələnməmişlər olaraq iki səbətdən çıxarılacaq:

Səpələnmişlər: “Barselona” (İspaniya, F qrupu), “Bavariya” (Almaniya, B qrupu), “Yuventus” (İtaliya: D qrupu), “Leyptsiq” (Almaniya, G qrupu), “Liverpul” (İngiltərə, E qrupu), “Mançester Siti” (İngiltərə: C qrupu), PSJ (Fransa, A qrupu), “Valensiya” (İspaniya, H qrupu)

Səpələnməmişlər: “Atalanta” (İtaliya: C qrupu), “Atletiko” (İspaniya, D qrupu), “Çelsi” (İngiltərə, H qrupu), “Borussiya” (Dortmund, Almaniya, F qrupu), “Lion” (Fransa, G qrupu), “Napoli” (İtaliya, E qrupu), “Real Madrid” (İspaniya, A qrupu), Tottenhem” (İngiltərə, B qrupu)

1/8 final mərhələsinin ilk oyunları 18-19 və 25-26 fevralda, cavab görüşləri 10-11 və 17-18 martda keçiriləcək. Səpələnmişlər səbətindəki komandalar cavab görüşünü öz meydanlarında keçirəcəklər.

Çempionlar Liqasının püşkatma mərasimi Bakı vaxtı ilə saat 15:00-da başlanacaq.