Çempionlar Liqasında “Salah şou”: “Liverpul” – “Roma” oyununda 7 qol (VİDEO)

Dünən futbol üzrə Çempionlar Liqasının yarımfinal mərhələsinin ilk qarşılaşması keçirilib.

Minval.info xəbər verir ki, “Liverpul” İngiltərədə İtaliyanın “Roma”sını qəbul edib. Görüşdə “canavarlar” əsil şok yaşayıb. Belə ki, ingilis klubunun şərəfini qoruyan misirli futbolçu Muhammed Salah oyunda şou göstərib. İlk hissədə hesabı vurduğu möhtəşəm qolla açıb. Ardınca komandaların fasiləyə yollanmasına az qalmış Salah yenidən fərqlənib.

İkinci hissədə isə misirli futbolçu iki məhsulda ötürmə ilə yadda qalıb. Bununla hesab artıq 4:0 olub. Ardınca ingilislər 5-ci topu “Roma”nın qapısından keçirib. Lakin “canavarlar” rahatlıqla təslim olmayıblar. Matçın 80-ci dəqiqəsindən sonra italyanlar iki qol vuraraq hesab arasındakı fərqi azaltmağı bacarıb.

Beyinlərdə “Liverpul”un rahatlıqla finala vəsiqə qazandığı formalaşsa da, “Roma” matçın sonlarında bu düşüncələrin üzərindən xətt çəkdi.

“Liverpul” (İngiltərə) – “Roma” (İtaliya) – 5:2

Qollar: Salah, 36, 45, Mane, 56, Firimino, 61, 69 – Ceko, 81, Perotti, 85 (pen.)

Qeyd edək ki, bu gün “Bavariya” Almaniyada İspaniyanın “Real Madridi”ni qəbul edəcək.