Ədalət Rüstəm: “Hamilələrə vaksin vurulmalıdır”

“Dünyada çox nadir bilinən xəstəliklər var ki, bununla mübarizədə vaksin vurdurmamaq düşünülə bilər.

ABŞ-ın Səhiyyə Nazirliyi 3 gün öncə tövsiyə edib ki, mütləq və mütləq bütün hamilələr və hamiləlik planlaşdıran insanlar peyvənd olunsunlar. ABŞ-da bu məsuliyyəti üzərinə götürən təşkilat səhv olduğu təqdirdə, təzminatının nə olduğunu bilərək bunu deyir. Bu baxımdan peyvəndə əks-göstərişlər haqqında səhiyyə qurumlarında və eləcə də səhiyyə işçilərinin istifadə etdiyi yanaşmada daha elmi əsaslara dayanan addımlar atılmasını tövsiyə edirəm”.

Bunu Milli Məclisin deputatı Rəşad Mahmudov deyib.

O, hamilələrin və uşaq sahibi olmaq istəyənlərin mütləq peyvənd vurdurmalı olduğunu deyib və bunu ABŞ Səhiyyə Nazirliyinin belə tövsiyə etdiyini bildirib.

Minval.info xəbər verir ki, mövzu ilə bağlı Cebhe.info-ya danışan Azərbaycan Tibb Universitetinin Tədris Cərrahiyyə Klinikasının dosenti Ədalət Rüstəm bildirib ki, həkim təmamilə haqlıdır və bu barədə düz deyir:

“Rəşad həkim dünya elmi ilə bağlı məlumatlı adamdır. O şəxslərə vaksin olmaz ki, hamiləliyi ağır keçiridir, hamiləlik toksikozlarla müşahidə edilir, qadında patoloji hamiləlik var”.

Ədalət Rüstəm qeyd edib ki, ginekoloqun etirazı yoxdursa, hamilələrə vaksin vurulmalıdır:

“Ən azı hamilə qadınların 55 faizi vaksin vurdurmalıdır. Ola bilər ki, hamilələrdə vaksinə qarşı əks göstəriş olsun. Buna da ginekoloqun göstərişi ilə vaksin vurula, yaxud vurulmamalıdırsa, səbəbi əsaslandırılmalıdır”.