Deputat Prezidentin kadr dəyişiklikləri ilə bağlı danışdı
“Bizi narahat edən məsələlərdən biri məhkəmə-hüquq sistemi ilə bağlı vəziyyətdir. Bu sistemi normal vəziyyətə gətrimək üçün orda maaş məsələsinə baxmalıyıq. Hakimlərin, o cümlədən prokurorluq sistemində çalışanların maaşını artırmaq lazımdır”.
Musavat.com xəbər verir ki, deputat Vahid Əhmədov bu sözləri Milli Məclisin İqtisadi siyasət, sənaye və sahibkarlıq komitəsinin iclasında çıxışı zamanı söylədi.
V.Əhmədov eyni zamanda Prezidentin kadr islahatları ilə bağlı imzaladığı son fərmanlrdan bəhs etdi: “Rotasiya qaydasında onların bir sistemdən digər sistemə keçirilməsini yüksək qiymətləndirirəm. Bu insanlar Azərbaycanın müstəqilliyinin qorunub-saxlanmasında xüsusi xidmətləri olan insanlardır. “İstər Ramil Usubov, istər Vilayət Quliyev, istər Mədət Quliyev, istərsə də Əli Nağıyev Azərbaycanın müstəqilliyi uğrunda kifayət qədər mübarizə aparıb. Mən son addımları alqışlayıram. Yəqin ki, bu vəzifə təyinatları hökumətin iqtisadi blokuna da təsir edəcək”.