“Dilənçiyə pul vermirəm, deyirəm, get buradan” – Roza Zərgərli
“Kasıb ailədə doğulmamışam. 2000-ci ildə Bakıya köçəndən ofisiant, satıcı işləmişəm. Xəstə baxıcısı olmuşam. Pulumuz var idi, atam müğənnilik etməyimə icazə vermirdi. Ona görə də indi küçədə əli, ayağı yerində olan bir qadın, kişi əlini uzadıb pul istəyəndə, deyirəm ki, get, vermirəm”.
Axşam.az xəbər verir ki, bu sözləri müğənni Roza Zərgərli “Tarixin bir günü” proqramında deyib. Sənətçi heç bir fiziki qüsuru olmadan küçədə dilənən insanları tənnqid edib:
“Biz də halal çörəyimizi qazanmışıq. Zəhmətlə pul qazanmaq eyib deyil. Əziyyətlə bu günə gəlmişik. Kim əl uzadıb pul istəyəcəksə, heç vaxt qabağa getməyəcəm. Şahidlərim var ki, Qar qız geyimində Yeni il gecəsi 18 qapıya getmişəm. Hər qapıdan 1 şirvan alırdım.
Nə qədər gözəl qazansan da, yaşasan da, evə girəndə burnundan tökürlərsə, onu qazanmasan yaxşıdır “.