Donald Tramp: “İranla ticarət edən bizimlə ticarət edə bilməyəcək”
ABŞ prezidenti Donald Tramp irana qarşı yeni sanksiyaların tətbiq olunduğunu və bu sanksiyaların İranı zəiflətdiyini deyib.
Minval.İnfo xəbər verir ki, iki ölkə arasındakı gərginlik daha da artır. ABŞ prezidenti Donald Tramp İrana tətbiq olunan sanksiyalarla bağlı “Twitter” sosial şəbəkəsində paylaşım edib.
O, sosial şəbəkədə bunları qeyd edib:
“İrana sanksiyalar rəsmi olaraq qüvvəyə minib. Bu, indiyə qədər tətbiq edilmiş ən ağır sanksiyalardır və noyabrda yeni mərhələyə çatacaq. İranla ticarət edənlər bunu ABŞ-la edə bilməyəcək. Mən təkcə dünya üçün sülh istəyirəm, başqa bir şey yox!”
Qeyd edək ki, Donald Tramp özündən öncəki, Obama hakimiyyətinin İranla imzaladığı nüvə razılaşmasını böyük uğursuzluq adlandırmış və razılaşmanı bir tərəfli olaraq pozmuşdu.
Tamerlan