Dünyanın ən hündür kişisi ilə ən balaca qadını Misirdə görüşdü — FOTOLAR

“Ginnesin Rekordlar Kitabı”na düşən iki nəfər Misirdə, piramidaların yanında görüşüb.

Minval.İnfo “Ölkə.Az”-a istinadən xəbər verir ki, görüşün təşkilatçısı Misirin Turizm üzrə Şurasıdır.

Türkiyəli 35 yaşlı fermer Sultan Kesen dünyanın ən hündür kişisidir. Onun boyu 251 sm-dir. Dünyanın ən kiçik qadını isə Coti Amcidir. Onun boyu 62 sm-dir. Cütlük turistlərin cəlb edilməsi üçün təşkil edilən fotosesiyada iştirak ediblər.
Qeyd edilir ki, Sultan hipofiz şişi səbəbindən boyu çox hündür olub. Xəstəlik səbəbindən orqanizm həddən artıq boy hormonu ifraz edir.

Hindistanın 24 yaşlı sakini Coti axondroplaziyadan əziyyət çəkir. Bu xəstəlik sümüklərin inkişafdan qalmasına, cırtdan olmağa səbəb olur.