Dünyaya kişi kimi gəlib, üçüncü cinsiyyət olaraq tanınan Hijralar – Orqanlarını yararsız vəziyyətə gətirirlər…
Üçüncü cinsiyyət – Hijralar
Dünyanın demək olar ki, bütün ölkələrində transseksuallar mövcuddur.
Lakin bir qisim ölkələr var ki, orada illərdir transseksuallar ayrıca qrup kimi təsdiq olunmaq üçün mübarizə aparıblar. Həmin ölkələrin əksəriyyəti Cənubi Asiyanın payına düşür. Əsasən, Banqladeş, Hindistan, Pakistanda yaşan və Hijralar adı ilə tanına cinsi azlıqları dünyaya ilk dəfə tanıdan danimarkalı Con Moel Hans adlı fotoqraf olub.
Ən böyük məqsədləri 3-cü cinsiyyət olaraq tanınmaqdır…
Hindistanda saylarının təxminən 500 minə çatdığı bilənən Hijralar 20-ci yüz illiyin əvvəllərindən bəri mövcuddurlar və ən böyük azuları 3-cü cinsiyyət olaraq tanınmaqdır. Hindistanda transseksual olaraq yaşamaq çox çətin olduğuna görə hüqüqi haqlara sahib olmaq üçün illərdir mübarizə aparırlar. Və nəhayət Hindistan məhkəməsi 2014-cü ildə onları 3-cü cinsiyyət olaraq qəbul edir. Nə qədər hüquqi baxımdan azadlıq alsalar da, toplumdan kənarlaşdırıldıqları üçün şəhərin ən ucqar yerlərində yaşamağa məcbur edilirlər.
Hijra olmaq istəyənlər uşaq vaxtlarından ailələrini tərk edib böyük şəhərlərdə yaşayırlar. Şəhərlərdə yaşayıb təcrübə toplayan Hijralar isə özlərinə Qoro deyir və şəhərə gələn azyaşlı transseksualları övlad olaraq götürürlər və onları qorumağa çalışırlar.
Kişi fiziologiyası ilə dünyaya gələn Hijralar toplumda qəbul görülmək üçün cinsiyyət orqanlarını yararsız vəziyyətə gətirən əməliyyatlar keçirirlər. Toplumdan kənarlaşdırıldıqlarına görə normal insanların görə biləcəyi işlərdən də uzaqlaşdırılırlar.
Buna görə də həyatlarını davam etdirə bilmək üçün “həyat qadını” kimi fəaliyyət göstərirlər. Hind və Buddist fəlsəfəsinin ən köhnə cinsəllik kitabı olan Kamasutrada çox geniş yer ayrılan Hijralar seks işçiliyi üçün xüsusi olaraq hazırlanırlar. Sadəcə pul qarşılığında deyil, həm də bunu bir ritual olaraq həyata keçirirlər.
3-cü cinsiyyət olaraq tanınmaq istəyən Hijralar öz adətlərinə və yaşam tərzlərinə görə indiyədək transseksuallardan fərqli olduğu gerçəyinə dünyanı inandırmağa çalışırlar.
Məleykə Ağasoy
Minval.İnfo
